فصلات بعز البرد

لووول صج كتبت بوستين ولكن اهني بقول مساء الخير كنوع من التغيير

مساء الخير عليكم

ساعات من كثر البرد الواحد يفصل على اشياء بارده

كيف اشلون

انا اقولكم

يعني لما نطلع الفير من القهوه وعز البرد تقوم تشتهي ايس كريم

ولا وانت قاعد بالبيت وبردان نوعا ما تروح تشرب بيبسي ولا شي من هذا القبيل

عاد والله وتطق شلالتك وتروح مركز سلطان

ايييييييييييييييه

خربني هالمعاذ

لووول اي على طاري معاذ

ترا ولدنا مسافر الإمارات وباجر انشالله يرجع

المهم والله واروح مركز سلطان وادخل واتوجه إلى الثلاجات الي فيها ما لذ وطاب

بس والله ما كثرت يعني خفايف خفايف



لووول الهولستن والله عجيب وبس يضل البربيكان احلى

---------------------------------------

من جم يوم العزيز بو جاسم عزمنا بمخيم ولد عمه

والله والشباب يشيلون شلايلهم ونروح

رحنا على خط الشاليهات شغل عدل

وطبعا بعض الناس انسحب ليسنهم

بس الله يعافي الواسطات

ترا والله مو انا بس هذا واحد من بعدها صار ادمي قام يمشي عدل

اول ما نوصل نجابل الدوه وهالقوه والجاي شي طيب

المخبم متعوب عليه والله وايد عجيب

طبعا كان ودي اصور بس من كثر البرد مالي خلق اطلع اييدي من الجاكيت

لووول اهي معاذ مجابل الفحم

يلعن يومه جوتي شنو هاللمعه الي طالعه علليه لووووووووووول

هالصورره تحسسني بالدفي والله

لوووووووووووول يعني مكشخنا فحم مركزو سلطان وحرركات مقطع وحاله بس والله مو زقرت وايد

اهني الشباب بالخيمه مجابلين العده ويضبطون الشغل

وطبعا ايي انا اتفعته شوي

لوول والله كانت خوش خوش طلعه خصوصا لما توقف سيارتي وما تبي تشتغل اهناك

لوووووووووول اخر شي ونش يابها لما البيت وانتهت الرحله السعيده

كلش ماكانت خوش دقه والله

3edkom embarak - la7am version :P

عيدكم مبارك وتقبل الله طاعتكم من اسره البلوق

هالله هالله باللحم لا تقولون مضحين برى مالي شغل انا ابي فخذ امزمز فييه :D

نكته سخيفه على طاري الخرفان والعيد
وحده من العوايل اشترت خروف قبل العيد ب4 شهور وكان ياكل ويشرب معاهم وينام ويطلع مع العايله وخذت ريله على العايله ، فير العيد قعد يبجي من قلب استغربت العايله وسئلته شفيك قال :
كل الناس شاريه خروف حق العيد إلا احنا

لوووول مليقه مالي شغل انا ضحكت اول ماقريتها :P

whats ur flavor ?

صباح الفعته والجمال على كل فعتوه وفعتوهه يقرون البلوق الحين

شالاخبار جميعا ، انا صاير مااستحي وهامل بلوقاتي بالفتره الاخيره نظرا للكساد السياسي والاقتصادي بس انا اليوم مرفع والدنيا ربيع والجو بديع علشان جذي قلت يا بو وليد تفعته شوي انت شوراك توك خالص من الكليه وماكو شغل لووول

قبل جم يوم كنت في جوله مسائيه واقرب إلى جوله فيريه - يعني الفير - انا مع الفعتوه الكبير ديكاتي وقلنا بما ان ماكو شي ليش مانسير على مركز سلطان ونشوف شنو يديده منها نتمشى ومنها نتسوق خو ماكو شغل خو

والله وبدينا جولتنا - قصدي جوله يعني تمشي مو جوله مالت المطبخ - معاذ ليش الملاقه شفيك اليوم ، المهم يمين ويسار وفوق وتحت جان اشوف شي عجبني وخاطري فيه من زمان ، قلت والله ما اخليه بخاطري جان اسحب سله واخمط شوي


والمشكله لما تاخذ شي تبيه تبدى تتنسا وتخمط كل شي تطيح عينك عليه لوووول ولا سكشن كاكاو لندن مادري الشغلات المو موجوده بالجمعيات والحصيله هذي خخخخ


وبعد ما حاسبت جان استوعب انا شنو شاري لووول طارت السكره ويات الفكره ، انا جربت اثنين من الاربع انواع ولما الحين الاصلي اهو الاحلى ويعيد الذكريات


ان شالله لا صار لي مزاج اعلف حلاو واجرب الباجي راح اقول لكم ، منو جربهم كلهم وشنو احلى نوع عندك؟

لووول عقب ماخلصت كتابه جان استوعب البوست فعتوه وماله داعي بس قولوا تم راح انزله خو كتبت بعد خلاص خو XD

حش وحسد

الصوره عادية صح

اي ما فيها شي خو

انسان طبيعي واقف وقفه طبيعيه وقاعد يسحب فلوس ما قلنا شي

هذا الأخ الي حبيته والله شمسوي

ماسك زقاره بإيده اليسار ويطقطق على المكينه بالإيد الثانيه

وتعالوا شوفوا المزاج يطق طقه ويسحب سحبه من الزقاره

ويطق طقه ثانيه ويطلع الدخان من خشمه ويرفع راسه ويطلعه من حلجه

الحبيييب داخل مزااااااااج

ويطق طقه ثانيه ويتتن(يطق الزقاره علشان يطيح الجزء الي احترق)ويسحب

والله زين ما يسوي دواير بالدخان بعد

المشكله المكينه الثانيه زحمه عليها

وانا ناطر الأخ يمزج

وانا واقف وراه قاعد اقول بقلبي ما تبي اييبلك حشيشه بعد ولا هروين علشان تدش جو سنع وانت قاعد تسحب

والله لبرهه حسيت ان كل طقه وره الثانيه ويسحب زقاره ويفكر والله شكله قاعد يحاول يتذكر الرقم السري

والله على ما خلص الا انا حشيت وخذيت ذنوبه وسويت فلم كامل عنه وعناااد عليك بعد هذا بوست حقك

لووووول والله نرفزني

----------------------------------------

اي ابشركم يا جماعه لوول ترا مرضت

ذاك اليوم صاحبي ساد سمايل قاعد ويقول حق معاذ

ديكاتي مكيفهم بارد يلعن يومه 10 طن وما ادري شنو

وعفيه اوادم ما يستبردون ولا يصير فيهم شي

الله وكيلكم ما ثناااها

ثاني يوم متشرقد بالمستشفى وحراره وما اقدر اكل ولا اسوي شي

هي هي هي ولكن الحمدلله الله عافاني من عيون الحساد

ولا يحوشك مره ثانيه تقعد مع ساد

هذا صار خطر على الصحه العامه

بتحطي كلونيا ليييه

صباح المساء

اليوم علي وعلى اعدائي

اخ منكم انتوا اخ

احد اسابيع الدراسه الي طافوا لاحظت ظاهره عجيبه

تمشي بالممر باللمواقف بالكلاس خو السيركل حدث ولاحرج

ماشالله عليهم بناتنا لما يختارون عطر يختارون شي جبار شي عظيم

الي صاير يا جماعة الخير يندرج تحت مسمى ففعتوهي الا وهوه (شدعوه عليكم) اي نعم

صج صج شدعوه عليكم

تخيلوا الموقف معاي اوكي

انت قاعد تمشي وبالمقابل في وحده قاعد تمشي حلو

تمرون يم بعض

قبل عملية المرور هذي بشوي راح نلاحظ ان العطر الي حاطته يوصل قبل لا تمر البنيه يمك

قش لش

قش لش مقوله فعتوهيه ما يفهمها الا الي سمعها مني

مو قف ثاني

انت بالمواقف المتعددة الأدوار الي بشويخ

قاعد تمشي رايح سيارتك وبالمقابل وحده نازله من سيارتها ورايحه صوب الباصات

باللحظه الي تمر يمك قبلها بوايد وليس بشوي راح تشم العطر

اي طبعا لإن توها باخه عمرها بالسياره ونازله

انزين شدعوه عليج خو

يعني قلنا الواحد لازم يكون نظيف وريحته حلوه بس مو للدرجه هذي

انزين بالله انا شنو ذنبي

والله موسم الحساسيه خلص الي اهوه مدته اسبوعين

والحين انا داخل الإسبوع الثالث والسبه ان حاسة الشم عندي مو مترقعه من هالعطور

انزين سؤال فني جم بخه تحطون

يعني بالنسبه لي المعدل العادي بختين او ثلاث

لا وساعات قبل لا البس ملابسي ارش عليهم وخلصنا

ام الإخت توصل المواقف تنزل المنظره تشوف الميك اب

واذا ما كانت حاطه تلقاها طلعت العده وقعدت تتمكيج

واخر شي تطلع العبوه الناسفه اقصد عبوة العطر وما تسمع غير ببخبخبخبخبخبخبخبخبخبخبخبخبخ

انزين خلاص واهي للحين بخبخبخبخبخبخبخبخ

ما صارت يا بنت الناس ترا والله مو حفله والله احنا بالجامعه

والإخت رايحه ببخبخبخبخبخبخبخ

وطبعا كل وحده عطرها غير واحنا نمشي وهالروايح اشكال والوان

الي حتى اعصاب الجهاز التنفسي عندك تضرب يطلعلك نوت صغير بمخك يقولك يرحم والديك انت وين قاعد وين ماشي

الله وكيلكم الخشم قام يضيع هاليومين ما ادري شموضوعه ما قمنا نميز الروايح

حتى تبطل الجدر تبي تشم ريحة اكل يضيع الخشم ما يدري هل هذا ريحة مجبوس دياي ولا مطبق سمج

لا و ذاك اليوم احدى الزميلات بالقسم

ديكاتي ديكاتي اشلونك مالونك

اهي واقفه قبالي وانا قاعد اشم ريحة معسل عنب

يبوووووووووووووي والله افتر مخي

لو مدخنلي حشيشه جان ما افتر مخي هالكثر

والله قاعد اقول ما ادري هذا عطرها ولا توها معدله الراس ويايه شموضوووعج انتي

على ما خلصت المحادثه معاها انا قمتي امشي وادعم اطوف

الله اكبر عليها

لا المشكله مو اهني

البلوة العظمى لما تكون بالأصنصير وتدش وحده

وانا بالدور الارضي وبصعد الدور الثالث

تدرون شنو معانات على ما اوصل

انا اطالب ان بكل اصنصير يحطون كمام اكسجين

شي شي مو طبيعي

خو يعني يا ريحتي تكون قويه ولا ما يصير

خو ما قلنا شي بس حطوا شي بمقدار معقول مو تخلون العموم يشم هالعطر

لا هذا بصوب ولا لما اييلك واحد زقرتي حاط عطر نسائي

انت قاعد بالكلاس وقاعد تشم عطر نسائي فتفكيرك على طول وين هالوحده الي حاطه هالعطر

اخر شي يطلع الحبيب الي يمك متعطر عباله حلو عليه

مبسوووووووط ياخووويا

بس طبعا مو معناته ايي احد ريحته اعوذ بالله ما تنبغى

الحل الوسط اهوه احسن شي لا وايد ولا شويه

ايييييييييييه الحين الواحد قال الي في باله وارتاح

والله شايل هم هالسالفه والحين طلعت الي بقلبي



تحطي كلونيا اخ منك انت اخ

تحطي كلونيا ليييييييييه

:)

شقد الغدا حلو

لوووول عنوان البوست ضحكني بس هذا الصج

انا كل يوم وترك ومرات كذا يوم ورا بعض اروح اتغدى عند يدتي ، مايحلى الغدا إلا من ايدها وشي خيال ما ينوصف لووول المهم بوستي اليوم مو عن الغدا وشكثر حلو لما اعبي كرشي من اكلها ، اليوم البوست عن بيضه وريلها عبوود

ممم راح تسألون منو عبوود ومنو بيضه انا اقولكم ، من عرفت يدتي واهي تحب الحيوانات وتربيهم وانا عشت طفولتي محاط بالقطاوه والعصافير لوووول المهم ان بيضه وعبود هذول حسبه عيالها حالهم من حالي عايشين على خير يدتي :P

ذاك اليوم وانا اتغدى ونايم نوم بالصحن واسمع مياااو مياااو ، قلت عادي مو شي يديد اكيد وحده من القطاوه تحت ريلي وانا اتغدى وقاعده تسلم بس الصوت شوي بعيد وانا مشغول مابي ارفع راسي بس شسوي الصوت ازعجني وخرب علي عمليه الهضم ويوم ارفع راسي ولا بيضه تشكي وتنادي XD


لووووول انا مت من الضحك لما شفتها ، على بالكم كسرت خاطري ودخلتها والله جني ماشفتها صورتها وكملت غداي وعقب ماخلصت قلت حق الخدامه لا تنسين غدا القطاوه خخخخخ ، اليوم الي بعده هم انا متغدي هناك تقول ماعندنا بيت مسويين غدا ولا نفس الحركه هالمره جان اقرب واقولها قولي تشييز

خو اهي ماقصرت عطتني ابتسامه صفره وبعدين راحت ، اليوم الي بعده هم رحت عند يدتي لووووول الحين واحد بيطقني بقول جنك قزرتها بس ميخالف اليده حاسبه حسابي كل يوم على الغدا ، المهم وانا ياي ادش ولا هذا عبوود بوصماخ ناطرني عند الباب يقولي شعندك مع المدام ، لوووول والله عطاني نظره شكله حاقد علي


هذا عبوود مجرم الفريج ، مابقت قطوه ماحملها واحنا نبتلش بعياله XD

-------------------------

اختي قبل جم يوم تطحن بالبيت تبي تشتري بلاك بيري قلت يا غالي والطلب سهاله ، والله وادق على بودكته ونروح يوريكا ونييب لها الكيرف اليديي


على البركه اختي العزيزه خخخخ

لا يأس مع الحياة ولا حياة مع اليأس

مساكم الله بالخير

اليوم موضوع فعتوهي جدا

راح اخذ قضيه تهم الشباب الكويتي

اوكي من فترة صارت قضيه على سالفة القهاوي المشبوهه الي بحولي و فحيحيل

وحطوا قانون ان القهوه تسكر الساعه 12

برايكم هل هذا اهوه الحل

الي كان يخربط الساعه 1 و2 و3

الحين يجدم وقت التخربط على الساعه 10 و 11

يعني وين الحل بالموضوع

عاد الله خير شبابنا عندهم قانون لا يأس مع الحياة ولا حياة مع اليأس

احد الشباب بالقهوه يقول من بلشوا يسكرون القهاوي صار طق وزحمه على شقق التأجير

لووووول يعني بكحلونها عموها

انا ترا مو قاعد اتناول الموضوع لإن ناقصني شي

بالعكس انا عادي عندي

يعني في قهاوي محترمه تروح لها تقعد بكل احترامك وتشرب الي تبيه

وتجابل النت واذا تبي تلعب او تقرا

احس القهوه صارت جزء احنا بحاجته كشباب

الكافيهات والمحلات يسكرون فالحل من زمان ان الناس كانت تسهر بالقهوه

القهوه سموها قهوه علشان تكون مفتوحة على طول اليوم

بس عاد الربع الله يهداهم عموو على جميع القهاوي

ويقولك الي يفتح بعد الساعه 12 غرامه 5000 دينار وسحب العمال
واهني شرطي قاعد يكلم المسؤول بالقهوه على اساس يوقع على ان ما يفتح بعد ال12

لوووووووول انيي حق الجزء الحلو من الموضوع

مثل ما قتلكم لا يأس مع الحياة ولا حياة مع اليأس

انظلقنا انا مع واحد من الشباب بطلعه فعتوهيه او كشته بمعنا اصح

والله وخذينا ماجلتنا واهم شي بلعتنا

ورحنا خط الوفره شفنا مكان حلو و ظريف قعدنا فيه

وحطينا العده وكل شي

والحياة سعيده يا جماعه

والله اعتقد هالقرار حده اسبوعين

وهم سمعت من شباب ان في قهاوي تسكر الليتات من بره ولكن الزباين الي عارفينهم يدخلون عادي

والله كريم